Anders Eide ført til siste kvile

Det var eit fullsett Tørvikbygd Bedehus i Hardanger som fredag 6. november tok avskjed med bonden, lokalpolitikaren og  forkynnaren Anders Eide, då han vart ført til den siste kvile. Det var pålegging av kransar og blomar frå den nære familie, naboar, slekt og vener, og frå Haugesund krins av Norsk Luthersk Misjonssamband. Her fekk Anders Eide reise dei fleste åra som forkynnar, og det var  helsing ved Magne Austnaberg, som var sekretær i krinsen ein del av dei åra Eide var forkynnar i krinsen.

Han tok utgangspunkt i Fil 1:21 «For det å leva er for meg Kristus, og det å døy er ei vinning.» Han understreka vidare korleis Eide var var prega av alvor, men samtidig varme som person og i si forkynning.

Magne Straumstein song «Mitt hjerte skal synge en evighet lang..» etter preludium og etter talen song han «Å jeg vet et land ....»

Det var Dag Rune Lid som hadde talen for dagen, og han tok utgangspunkt i ein del glimt frå Eide sitt liv, og talte deretter ut frå Jesaia 1:18-19 «Kom og lat oss gå i rette med kvarandre, seier Herren. Om syndene dykkar er som purpur, skal dei verta kvite som snø, om dei er raude som skarlak, skal dei verta kvite som ull. Er de villige og høyrer, skal de eta av det gode i landet. » Klikk på denne linken for å lese talen.

På minnesamværet var det mange både frå fjern og nær som tok ordet m.a. Bjarne Vestbøstad, Brigt Valland, Per Ove Sæleset, Dagfinn Natland, Lorents Nord-Varhaug, Magne Straumstein, Jostein Skartveit, Per Augestad, Svein Moldsvor m. fl.

Intervju i dagbladet Dagen/ Josaft.no med Anderse Eide frå sommaren 2004.